Almaty qalasyna satyp alynatyn elektr energıasynyń baǵasy 1,5 mlrd.teńgege azaıǵan.
Búgin Almaty qalasynyń Óńirlik komýnıkasıalar qyzmetiniń alańynda Qazaqstan Respýblıkasy Ulttyq ekonomıka mınıstrligi Tabıǵı monopolıalardy retteý, básekelestikti jáne tutynýshylardyń quqyqtaryn qorǵaý komıtetiniń Almaty qalasy boıynsha departamentiniń basshysy Bolat Sámbetovtiń qatysýymen brıfıń ótkizildi.
Bolat Qýanyshbekuly óz baıandamasynda 2016 jyldyń sońynda Departamentke «AlmatyEnergoSbyt» JSHS elektr energıasymen jabdyqtaý qyzmetiniń tarıfin ózgertý ótinimimen júgingen bolatyn. 2017 jyldyń 1 qańtarynan bastap elektr energıasynyń tarıfi 1,6%-ǵa ósti. Atalǵan ózgeris energıa berýshi uıymdardyń jáne qosymsha qyzmetterdiń (qýatty retteý, KEGOC-pen teńgerimdeý jáne t.b.) tarıfteriniń ósýine baılanysty. Óz kezeginde, elektr energıasynyń ózindik qunyn azaıtý maqsatynda, Ákimshilik pen «Samruq Energo» AQ arasynda Memorandým jasalǵan. Osy Memorandýmǵa sáıkes, qalaǵa satyp alynatyn elektr energıasynyń baǵasy 1,5 mlrd.teńgege azaıyp jáne halyqqa tarıftiń ósýi 1,5% toqtatyldy (Ekibastuz GRES-1 8,42 tg-den 7,29 tg. deıin),-dep atap ketti ol.
2017 jyldyń sońynda «AlmatyEnergoSbyt» JSHS óz qyzmetteriniń tarıfin 6,7%-ǵa kóterýge nıettengenin atap ótý qajet. Alaıda, kompanıanyń ishki rezervterin eskere otyryp, baǵanyń ózgerýiniń qajettigin qosymsha taldaý maqsatynda monopolısiń ótinimi qaıtaryldy. Sodan keıin, atalǵan kompanıa aǵymdaǵy jyldyń naýryz aıynda 1 mamyrdan bastap elektr energıasymen jabdyqtaýǵa tarıfti 3,8%-ǵa kóterýge ótinimmen júgindi. Alaıda, kásiporynnyń shyǵyndaryn egjeı-tegjeıli ári jan-jaqty qarastyryp, taldaýdyń nátıjesinde Departamentpen qoldanystaǵy 16,36 teńge/kVts QQS-syz kóleminde tarıfti ustap turý týraly sheshim qabyldandy, - dep aıtyp ótti Bolat Sámbetov óz sózinde.
